- بئله گلیر کی فارس دیلینده گئده ن اوپوزیسیون مطبوعات و خبر سایت لاری قاباقکی کیمی آذربایجان حرکاتینی سایمازلیقلا قارشیلاماق ایسته میرلر. همین مطبوعات کی بابک قالاسیندا یوروشو، و یا 21 آذر حاققیندا و یا چوخلو آذربایجانا عائید اولان اؤزه ل خبرلرینی معنالی سیکوت و سانسور ایله آرخادا بوراخیردی، بو گون ائده بیلمه میش کی اونلارین حرکاتینی گؤزده ن ایتیرسین
بو گونلر ایراندا بحرانلی وضعیت یاشانیر. بوتون نظرلر مجلیس‌ده کئچنلر و گلن‌آی کئچیریله‌جک سئچکی‌لره توپلانمیشدیر. آذربایجان فعال لاری، جومله‌ده‌ن بیلی‌یوردو [دانشگاه] اؤیرنجی‌لری‌ده بو تحرکاتی یاخیندان ایزله‌ییب و دقت‌له شرایطی گؤز آلتینا آلمیشلار. آمما اورتالیقدا گؤزده‌ن ایته بیلن بیر نئچه ماتریال‌لاردا واردیر کی هئچ اولماسا قازئته‌چیلیک وظیفه‌سینده‌ن اؤترو، اونلاری اورتایا گتیریب خالقین، یا دا دونیادا انسانلار حقوق لارینی مدافعه ائده ن تشکیلات یا اورگانلارین یادینا سالمالی‌ییق.
بو قضایالارین بیری ایراندا ژورنالیست‌لرین باشینا گلن‌لردیر. بیلدیگینیز کیمی ایران دونیادا قازئتهچیلرین ان بؤیوک زندانی ساییلیر. بو ایسه بو مسئله‌نی باشقا گئدن مسئله‌لرین کؤلگه‌سی آلتینا توتماق باغیشلانماز بیر سهو اولا بیلر. بس عینی بحرانلی شراییطی مملکت‌ده گؤزه آلماقلا برابر «انصافعلی هدایت» ی یادا سالیب اونون سربست بوراخیلماسیندا بیرداها آیاق دیره‌ییریک. نییه کی ایسته‌میریک ایرانلی ـ کانادالی موخبر «زهرا کاظمی» نین جریاناتی، باشقا ژورنالیست‌لرین باشینا گلمیش اولا. خصوصی ایله بونو علاوه ائتمه‌لی‌یم کی سیاسی و مستقیل ژورنالیست لرین زندان‌دا جان تهلوکه‌سینین ریسکی او زمان چوخالیر کی اونلارین حؤکومت ایچینده هئچ بیر قاناددان[جناح‌دان] ـ اصلاحاحت چی و موحافظه کارلاردان ـ آداملاری اولماسین.
و انصافعلی هدایت بونلاردان بیری دیر. اونون آدی خاتمی‌یه یازان آچیق مکتوبو ایله دیللره دوشوب بیرمستقل آذری قازئته‌چی کیمی سرحدلرده‌ن آشیب دونیایا یاییلدی. هدایت او مکتوبدا جسارتله زندانلاردا باشینا گلن‌لری آنلادیب و قورخمادان خاتمی‌نین بو فیگورون کی بیر گون (امنیت ایشکنجه‌کارلارینا دائیر) دئمیشدی «بیز فتنه‌نین گؤزون یئرینده‌ن چیخارتمیشیق» سوال قارشیسیندا قویدو. بئله‌لیکله خاتمی‌نین خارجه‌ده آپاریلان «تمدن‌لر دانیشیغی [گفتگوی تمدن ها]» تبلیغاتینین قاباغین کسه‌رک عملا اؤزونه موحافظه‌کارلارلا برابر خاتمی دسته‌لرین ایچینده‌ن‌ده دوشمن قازاندیردی. بلکه بو گون اصلاح‌چیلارین هدایتین توتولماسی خصوصوندا سکوت و قیدسیزلیک‌له قارشیلامالاری بوندان عیبارت اولابیلر.
آمما تبریزلی هدایت یورولماز گئرچک بیر قازئته‌چی کیمی ائله همین قیسا مدت‌ده چوخلو عرصه‌لرده آیاقدا اولوب اشتراک ائتدی. بم شهرینده لاپ حادثه‌نین باشیندان حضورو و زلزله ایله علاقه‌دار جانلی رئپورتاژلا مصاحبه لری، اونو نه قدر مسلگینه و مستقل‌لیگینه باغلی اولدوغونو آچیقجا گؤستردی. او بو رئپورتاژلاردا اؤزونه عائید اولان تنقیدی لحنی ایله ایسلامی جمهوری‌نین مسئول‌لارینی قیناییب، اونلارین زلزله ایله علاقه‌دار ان کیچیک ایشین عهده‌سینده ن گله بیلمه‌دیگینی هامییا آشیکار ائتدی.
همچنین او باشقا بیر آچیق مکتوبدا اؤزونده‌ن، آذربایجان میللی پروبلم‌لرینه دقت‌ـنظر وئرمه‌دیگی ایچون تنقید ائده‌رک خالق‌دان عذر ایسته‌دی. بئله‌لیکله همین صراحتلی و صمیمی یازی‌لاری اونا تکجه آذربایجان فعال‌لار ایچره دئییل بلکه دیگر دیللی اپوزیسیون مطبوعاتیندا دا یئر آچدی. بو سونلاردا اونون مقاله‌لری چوخلو فارس خبر سایتلاریندا دا درج اولونوردو. و بو باشقا آذری‌لره نقطه ی ـ قوت اولا بیلیردی کی عینی ایمکانلاردان ایستفاده ائده رک اؤز سؤزلرینی دئییب و میللی حرکات خصوصوندا اؤز گؤروشلرینی یاییندیرسینلار.
بئله‌لیکله هدایت چوخ ارکن ژورنالیسم مسلگینین ذیروه‌سینه آیاق قویدوقجا، عینی همین قدرده اؤزونو تهلوکه‌یه یاخلاشدیریردی. ائله کی سون سفرینده‌ن ایرانا قاییدان کیمی امنیت مامورلاری طرفینده‌ن «غیر انقلابچی» گروپلارین ییغینجاقلاریندا [گردهمایی] اشتراک ائتمک اتهام و بهانه سی ایله توتوقلاندی!
بوگون دونیادا بیرنئچه بین‌الخالق جمعیت‌لر و یا انسانلار حقوقونو مدافعه ائده‌ن تشکیلات‌لار او جومله‌ده‌ن «سرحدسیز ژورنالیست‌لر» اؤز اعتراض‌لارینی بو ایشه بیلدیرمیش و اونلارلا برابر بیر چوخ ایران اپوزیسیون تشکیلات‌لاری‌دا آیری آیری مکتوب و یا بیان‌نامه‌لرله هدایتین آزاد اولماسینی طلب ائتمیشلر.
آنجاق او شئی کی بیر آز غریبه و مثبت نظره گلیر، و گئده بیلر کی بیر یئنی اوسلوب کیمی داوام ائتسین، چوخلو ایران آیدین‌لارینین بو باره ده ایشتراک ـ نظری دیر. گؤردوگوموز کیمی حتتا آدلیم فارس دیلینده قلم چالان بیر نئچه ژورنالیست ده هدایت حاققیندا یازی‌لاری ایله بو اعتراضا قوشولدولار. و بو بیر باشاریش ساییلا بیلر. اونلار سایت لاریندا امضاء توپلاما ابتکار ـ عمل ایله هدایتین توتولماسینا اعتراضی حادلاشدیریب حله ده بو ایشی داوام ائتمکده دیرلر. بو ایشده او یئره جن ایره لی گئتمیش لر کی دیله گتیرمه‌لی‌یم [اعتراف ائتمه‌لی‌یم] بیزیم بیر نئچه آذربایجان دیلینده گئده ن سایت لاری دا دالا قویموشلار. ( بیزیم آذربایجانلی لاری داخیل ده تمثیل ائده ن بیر نئچه خبری سایت لار یا بو باره ده سیکوت ائتمیشلر یا ائله بو سون گونلر‌ده هدایت حاققیندا مطلب یازماغا باشلامیشلار کی بو اؤزو ده مثبت اولا بیلر. *)
آمما بو حرکت‌له بئله گلیر کی فارس دیلینده گئده‌ن اوپوزیسیون مطبوعات و خبر سایت‌لاری قاباقکی کیمی آذربایجان حرکاتینی سایمازلیقلا قارشیلاماق ایسته‌میرلر. همین مطبوعات کی بابک قالاسیندا یوروشو، و یا 21 آذر حاققیندا و یا چوخلو آذربایجانا عائید اولان اؤزه‌ل خبرلرینی معنالی سیکوت و سانسور ایله آرخادا بوراخیردی، بو گون ائده بیلمه‌میش کی اونلارین حرکاتینی گؤزده ن ایتیرسین.** بوندان اؤنجه ده «سفر خانین» ایل دؤنومو مراسیمینده اونو بیر میللی قهرمان کیمی ده‌یرله‌ندیردیلر و حتتا «ایران یازیچیلار اوجاغی (کانون نویسندگان ایران)» مراسیمین آپاریجی‌لیغینی اؤز الینه آلاراق بوندا اصرارلی ایدی کی سفرخانین آرمانی بوتون ایران خالقلارین آرمانی دیر!
البته کی من بونو مثبت و خوش قارشیلاییرام و اومید ائدیرم دیگر دیللی نخبه‌لریمیزده بونو باشا دوشموش‌لر کی بیر خالقین اینکار ائتمه سی، دمکراسی ایچون گئده‌ن مبارزه‌یه کؤمک ائده بیلمز هئچ، بلکه تام ترسی اونلارین رادیکاللاشما پروسسینی داها یئیین‌له‌شدیره بیلر ( نئچه کی ایندییه‌جن ائدیبدیر ). بو گون اونلارین هدایته دستک دورماق‌لا گئده بیلر کی آرادا کی بوزلاری اریتمه‌یه سبب اولسون. بونو هر ایکی یا نئچه طرف‌ده‌ن بیلمه‌لی‌ییک کی بیربیریمیزه آرخا اولمادان هدفیمیزه ایره لییه بیلمه ریک.
...بو گون انقلابین 25 اینجی ایل دؤنومو، بیر چوخ ایران ژورنالیست لر او جمله‌ده‌ن انصافعلی هدایتین حبس‌خانا دا گرفتار اولماسی ایله بیرزامانلی‌دیر. یعنی دئیه بیلریک کی اینقلابین آرمانی کی دمکراسی و محروم خالق لارین حقوقونو الده ائتمک ایدی بیر عده میراث‌خورون الی ایله ساپدیریلمیشدیر[منحرف اولموشدور]. بیز بو حقوقلاری الده ائتمک ایچون باشقا سئچه‌نه‌گیمیز [آلترناتیو]یوخدور: عینی مبارزه‌نی یئنی اسلوب و پریسیپ‌لرله داوام ائتمه‌لی‌ییک... بو ایسه بورادان بوتون وجودوموزلا ائل اوغلو «انصافعلی هدایت» و باشقا محبوس قازئتهچیلرین آزاد اولماسینی طلب ائدیب، ایرانی او گون ایچون آرزو ائدیریک کی عقیده، عیرق، دیل و اینسانی حقوقلاری بوتون خالق لار ایچون تامین اولموش گؤره ک.
ـــــــــــــــــــــــــــــــــــــــــــــــــــــــــــــ
* باخین «روی خط سوم» یا «نوید آذریایجان» سایتینا...
** باشقا مقاله ده بو باره ده سؤز ائده جه یم.
بو قضایالارین بیری ایراندا ژورنالیست‌لرین باشینا گلن‌لردیر. بیلدیگینیز کیمی ایران دونیادا قازئتهچیلرین ان بؤیوک زندانی ساییلیر. بو ایسه بو مسئله‌نی باشقا گئدن مسئله‌لرین کؤلگه‌سی آلتینا توتماق باغیشلانماز بیر سهو اولا بیلر. بس عینی بحرانلی شراییطی مملکت‌ده گؤزه آلماقلا برابر «انصافعلی هدایت» ی یادا سالیب اونون سربست بوراخیلماسیندا بیرداها آیاق دیره‌ییریک. نییه کی ایسته‌میریک ایرانلی ـ کانادالی موخبر «زهرا کاظمی» نین جریاناتی، باشقا ژورنالیست‌لرین باشینا گلمیش اولا. خصوصی ایله بونو علاوه ائتمه‌لی‌یم کی سیاسی و مستقیل ژورنالیست لرین زندان‌دا جان تهلوکه‌سینین ریسکی او زمان چوخالیر کی اونلارین حؤکومت ایچینده هئچ بیر قاناددان[جناح‌دان] ـ اصلاحاحت چی و موحافظه کارلاردان ـ آداملاری اولماسین.
و انصافعلی هدایت بونلاردان بیری دیر. اونون آدی خاتمی‌یه یازان آچیق مکتوبو ایله دیللره دوشوب بیرمستقل آذری قازئته‌چی کیمی سرحدلرده‌ن آشیب دونیایا یاییلدی. هدایت او مکتوبدا جسارتله زندانلاردا باشینا گلن‌لری آنلادیب و قورخمادان خاتمی‌نین بو فیگورون کی بیر گون (امنیت ایشکنجه‌کارلارینا دائیر) دئمیشدی «بیز فتنه‌نین گؤزون یئرینده‌ن چیخارتمیشیق» سوال قارشیسیندا قویدو. بئله‌لیکله خاتمی‌نین خارجه‌ده آپاریلان «تمدن‌لر دانیشیغی [گفتگوی تمدن ها]» تبلیغاتینین قاباغین کسه‌رک عملا اؤزونه موحافظه‌کارلارلا برابر خاتمی دسته‌لرین ایچینده‌ن‌ده دوشمن قازاندیردی. بلکه بو گون اصلاح‌چیلارین هدایتین توتولماسی خصوصوندا سکوت و قیدسیزلیک‌له قارشیلامالاری بوندان عیبارت اولابیلر.
آمما تبریزلی هدایت یورولماز گئرچک بیر قازئته‌چی کیمی ائله همین قیسا مدت‌ده چوخلو عرصه‌لرده آیاقدا اولوب اشتراک ائتدی. بم شهرینده لاپ حادثه‌نین باشیندان حضورو و زلزله ایله علاقه‌دار جانلی رئپورتاژلا مصاحبه لری، اونو نه قدر مسلگینه و مستقل‌لیگینه باغلی اولدوغونو آچیقجا گؤستردی. او بو رئپورتاژلاردا اؤزونه عائید اولان تنقیدی لحنی ایله ایسلامی جمهوری‌نین مسئول‌لارینی قیناییب، اونلارین زلزله ایله علاقه‌دار ان کیچیک ایشین عهده‌سینده ن گله بیلمه‌دیگینی هامییا آشیکار ائتدی.
همچنین او باشقا بیر آچیق مکتوبدا اؤزونده‌ن، آذربایجان میللی پروبلم‌لرینه دقت‌ـنظر وئرمه‌دیگی ایچون تنقید ائده‌رک خالق‌دان عذر ایسته‌دی. بئله‌لیکله همین صراحتلی و صمیمی یازی‌لاری اونا تکجه آذربایجان فعال‌لار ایچره دئییل بلکه دیگر دیللی اپوزیسیون مطبوعاتیندا دا یئر آچدی. بو سونلاردا اونون مقاله‌لری چوخلو فارس خبر سایتلاریندا دا درج اولونوردو. و بو باشقا آذری‌لره نقطه ی ـ قوت اولا بیلیردی کی عینی ایمکانلاردان ایستفاده ائده رک اؤز سؤزلرینی دئییب و میللی حرکات خصوصوندا اؤز گؤروشلرینی یاییندیرسینلار.
بئله‌لیکله هدایت چوخ ارکن ژورنالیسم مسلگینین ذیروه‌سینه آیاق قویدوقجا، عینی همین قدرده اؤزونو تهلوکه‌یه یاخلاشدیریردی. ائله کی سون سفرینده‌ن ایرانا قاییدان کیمی امنیت مامورلاری طرفینده‌ن «غیر انقلابچی» گروپلارین ییغینجاقلاریندا [گردهمایی] اشتراک ائتمک اتهام و بهانه سی ایله توتوقلاندی!
بوگون دونیادا بیرنئچه بین‌الخالق جمعیت‌لر و یا انسانلار حقوقونو مدافعه ائده‌ن تشکیلات‌لار او جومله‌ده‌ن «سرحدسیز ژورنالیست‌لر» اؤز اعتراض‌لارینی بو ایشه بیلدیرمیش و اونلارلا برابر بیر چوخ ایران اپوزیسیون تشکیلات‌لاری‌دا آیری آیری مکتوب و یا بیان‌نامه‌لرله هدایتین آزاد اولماسینی طلب ائتمیشلر.
آنجاق او شئی کی بیر آز غریبه و مثبت نظره گلیر، و گئده بیلر کی بیر یئنی اوسلوب کیمی داوام ائتسین، چوخلو ایران آیدین‌لارینین بو باره ده ایشتراک ـ نظری دیر. گؤردوگوموز کیمی حتتا آدلیم فارس دیلینده قلم چالان بیر نئچه ژورنالیست ده هدایت حاققیندا یازی‌لاری ایله بو اعتراضا قوشولدولار. و بو بیر باشاریش ساییلا بیلر. اونلار سایت لاریندا امضاء توپلاما ابتکار ـ عمل ایله هدایتین توتولماسینا اعتراضی حادلاشدیریب حله ده بو ایشی داوام ائتمکده دیرلر. بو ایشده او یئره جن ایره لی گئتمیش لر کی دیله گتیرمه‌لی‌یم [اعتراف ائتمه‌لی‌یم] بیزیم بیر نئچه آذربایجان دیلینده گئده ن سایت لاری دا دالا قویموشلار. ( بیزیم آذربایجانلی لاری داخیل ده تمثیل ائده ن بیر نئچه خبری سایت لار یا بو باره ده سیکوت ائتمیشلر یا ائله بو سون گونلر‌ده هدایت حاققیندا مطلب یازماغا باشلامیشلار کی بو اؤزو ده مثبت اولا بیلر. *)
آمما بو حرکت‌له بئله گلیر کی فارس دیلینده گئده‌ن اوپوزیسیون مطبوعات و خبر سایت‌لاری قاباقکی کیمی آذربایجان حرکاتینی سایمازلیقلا قارشیلاماق ایسته‌میرلر. همین مطبوعات کی بابک قالاسیندا یوروشو، و یا 21 آذر حاققیندا و یا چوخلو آذربایجانا عائید اولان اؤزه‌ل خبرلرینی معنالی سیکوت و سانسور ایله آرخادا بوراخیردی، بو گون ائده بیلمه‌میش کی اونلارین حرکاتینی گؤزده ن ایتیرسین.** بوندان اؤنجه ده «سفر خانین» ایل دؤنومو مراسیمینده اونو بیر میللی قهرمان کیمی ده‌یرله‌ندیردیلر و حتتا «ایران یازیچیلار اوجاغی (کانون نویسندگان ایران)» مراسیمین آپاریجی‌لیغینی اؤز الینه آلاراق بوندا اصرارلی ایدی کی سفرخانین آرمانی بوتون ایران خالقلارین آرمانی دیر!
البته کی من بونو مثبت و خوش قارشیلاییرام و اومید ائدیرم دیگر دیللی نخبه‌لریمیزده بونو باشا دوشموش‌لر کی بیر خالقین اینکار ائتمه سی، دمکراسی ایچون گئده‌ن مبارزه‌یه کؤمک ائده بیلمز هئچ، بلکه تام ترسی اونلارین رادیکاللاشما پروسسینی داها یئیین‌له‌شدیره بیلر ( نئچه کی ایندییه‌جن ائدیبدیر ). بو گون اونلارین هدایته دستک دورماق‌لا گئده بیلر کی آرادا کی بوزلاری اریتمه‌یه سبب اولسون. بونو هر ایکی یا نئچه طرف‌ده‌ن بیلمه‌لی‌ییک کی بیربیریمیزه آرخا اولمادان هدفیمیزه ایره لییه بیلمه ریک.
...بو گون انقلابین 25 اینجی ایل دؤنومو، بیر چوخ ایران ژورنالیست لر او جمله‌ده‌ن انصافعلی هدایتین حبس‌خانا دا گرفتار اولماسی ایله بیرزامانلی‌دیر. یعنی دئیه بیلریک کی اینقلابین آرمانی کی دمکراسی و محروم خالق لارین حقوقونو الده ائتمک ایدی بیر عده میراث‌خورون الی ایله ساپدیریلمیشدیر[منحرف اولموشدور]. بیز بو حقوقلاری الده ائتمک ایچون باشقا سئچه‌نه‌گیمیز [آلترناتیو]یوخدور: عینی مبارزه‌نی یئنی اسلوب و پریسیپ‌لرله داوام ائتمه‌لی‌ییک... بو ایسه بورادان بوتون وجودوموزلا ائل اوغلو «انصافعلی هدایت» و باشقا محبوس قازئتهچیلرین آزاد اولماسینی طلب ائدیب، ایرانی او گون ایچون آرزو ائدیریک کی عقیده، عیرق، دیل و اینسانی حقوقلاری بوتون خالق لار ایچون تامین اولموش گؤره ک.
ـــــــــــــــــــــــــــــــــــــــــــــــــــــــــــــ
* باخین «روی خط سوم» یا «نوید آذریایجان» سایتینا...
** باشقا مقاله ده بو باره ده سؤز ائده جه یم.
